भावलेली काही गाणी

// श्री स्वामी समर्थ //
     *भावलेली गाणी*

   *विनायक जोशी (vp)*
  💬9423005702
📱9834660237

  कोणत्याही प्रकारची गाण्यातील विशेष  समज नसलेल्या माझ्या सारख्या माणसाला सुध्दा शांतपणे पुनःपुन्हा ऐकावी वाटलेली काही गाणी...

*आशाताई भोसले*

 लक्ष्मी रोड येथून सोनी कंपनीची अतिशय उत्तम आवाजाचा दर्जा असलेली सिस्टीम वीस वर्षांपूर्वी विकत आणली. या सिस्टीम वरती आशाताईंनी गायलेले अप्रतिम असे
*केंव्हातरी पहाटे उलटून रात्र गेली* हे गाणे ऐकले.
हे उच्च दर्जाचे गाणे छान अशा सिस्टीम वरती ऐकताना अवर्णनीय आनंद मिळाला....

*शंकर महादेवन*

यु ट्यूब वरती श्री.उध्दव ठाकरेंनी पंढरपूरच्या वारी बद्दल तयार केलेला व्हिडियो बघत होतो . बॕकग्राऊंडला शंकर महादेवन यांचे अप्रतिम गाणे होते .ते असंख्य वेळेला ऐकले . प्रत्येक वेळेला वेगवेगळ्या प्रकारे विठू माऊलींचे दर्शन होत आहे अशी अनुभूती येत होती ..कमालीची मानसीक शांतता देणारे असामान्य अशा गायकाने गायलेले हे गाणे आहे .....
 *बोलावा विठ्ठल पहावा विठ्ठल*


*सलिल कुलकर्णी*

सुर्यास्ताची वेळ होती .कल्याणीला आणायला म्हणून तळजाई टेकडीवरच्या जंगलात पोचलो होतो. एका छानशा चढावरून जाताना असंख्य रंगांची उधळण करत परतीच्या प्रवासाला निघालेले सुर्यनारायण दिसले . जंगलातील असंख्य झाडांच्या मधून प्रगटणारा तो सोनेरी सुर्यास्त बघून सलिल कुलकर्णी यांच्या अजरामर अशा उच्च दर्जाच्या प्रेमगीताची आठवण आली...
*संधी प्रकाशात अजूनी ते सोने*


*प्रियांका बर्वे*

दोन दिवसांच्या पूर्वी व्हाॕटसअॕपच्या माध्यमातून एक व्हिडीयो आला . अतिशय शांतपणे नेटकेपणाने , मनापासून व एकाग्रतेने म्हणलेले प्रियांका बर्वेंचे गाणे ऐकत रहावे असे होते . कोणताही सांगितिक गोंगाट नसलेला एक उत्तम भावार्थ असलेले गाणे कमालीच्या ताकदीने म्हणलेले होते.
*केतकीच्या बनी तिथे नाचला ग मोर*

काहीकाही गाणी ऐकल्यावार ती आपल्या मनाच्या जवळच रेंगाळतात . कळत नकळत खुप वेळा गुणगुणली जातात . अगदी सामान्यज्ञान असलेला माणूस सुध्दा ज्या उत्तम दर्जाच्या गाण्यांनी आनंदीत होतो किंवा ज्या उत्तम प्रकारच्या कलाकृतीचा आनंद सहजपणे घेतो तेंव्हा ती *लक्षात राहणारी गाणी* होतात. रसिकांच्या आत्म्याचा आशिर्वाद लाभलेली एकदम अनमोल ....

*विनायक जोशी (vp)*
💬9423005702
📱9834660237
१२५७ , मंगलधाम , हिंगणे खुर्द , लेन नंबर ४ , पुणे ५१
*electronchikatha.blogspot.com*