अण्णा इडली गृह सोलापूर

// श्री स्वामी समर्थ //
   " अण्णा इडली गृह"
आदर्शनगर या सोलापूर मधील सुंदर काॕलनी पासून जवळ "गरुड" बंगल्याच्या ठिकाणी "अण्णा " इडली गृह दिमाखात उभे आहे. दरवाजा पासून ते भटारखान्या पर्यंत अतिशय स्वच्छ अशा वातावरणात  प्रत्येक गोष्टीची मांडणी योग्य पध्दतीने केली आहे.सेल्फ सर्व्हिस मुळे कोणत्याही प्रकारची गडबड येथे नाही. शुध्द आणि थंड पाण्याची स्वतंत्र ठिकाणी व्यवस्था असल्यामुळे तहान असेल तेव्हढेच पाणी ग्लास मधे घेतले जाते आणि अतिरिक्त पाण्याचा अपव्यय होत नाही. चटणी आणि सांबार यांच्या छोटया बादल्या टेबलावर बघून मजेशीर आणि आनंददायक अशा सोलापूर स्पेशल इडलीच्या जुन्या आठवणी जागृत झाल्या.येथे प्रत्येक गोष्टीत पारदर्शकता आहे.या दुकानाच्या काउंटर वरती अत्यंत विनम्र आणि हसतमुखाने वावरणारा व सध्याच्या पिढीचे प्रतिनीधीत्व करणारी अशी  उत्सवमुर्ती आनंदाने स्वागताला सिध्द आहे. शिवाजी रंगभुवन ते संगमेश्वर काॕलेज रोड वरती पूर्वीच्या गरुड बंगल्याच्या येथे असलेले हे "अण्णाचे इडली गृह " समाधानी आणि तृप्त गिऱ्हाईकांचे आशिर्वाद घेत उभे आहे !!!
विनायक जोशी (vp)
११ जानेवारी २०१७
electronchikatha.blogspot.com