सुजय मिलिंद भावे

// श्री स्वामी समर्थ //
  " डाॕ.सुजय मिलींद भावे"
प्रिय मन्या ,
आज तुझा "नीट"चा रिझल्ट कळाला. आॕल इंडिया लेव्हलला तुला ३४ वी रँक मिळाली हे बघून आनंद झाला.या मुळे MD करण्यासाठी तुला योग्य ते काॕलेज मिळेल असे वाटते. साधारणपणे दीड वर्षापूर्वी म्हणजेच
१५ आॕगस्ट २०१५ या दिवशी अतिशय उत्तम मार्क पडून तू डाॕक्टर झालास. या बद्दल असेच एक अनौपचारिक कौतुकाचे पत्र तुला लिहिले होते.  तुझ्या बारावीच्या परिक्षेच्या वेळी 'बीजे' मेडीकल मध्ये  शिकत असलेल्या अशोक केरकरांच्या मुलीने तुला उत्तम मार्गदर्शन केले आणि  त्यामुळे  अतिशय आत्मविश्वासाने आणि सहजतेने  डाॕक्टर होण्याच्या दिशेने तुझा प्रवास चालू झाला. मुक्तांगण या घराच्या जवळच असलेल्या शाळेत शिक्षण पूर्ण केलेस. बॕडमिंटन आणि चित्रकला यांची आवड उत्तम जोपासलीस. डाॕ.नितू मांडके हे सुध्दा उत्तम चित्रकार होते.आॕपरेशन थिएटर मधून बाहेर पडले की त्याच्या संबंधित अशी स्केचेस सुध्दा ते काढून ठेवत असत. पुढील तीन वर्षे  MD चा अभ्यास म्हणजे दिवसातून १२ ते १४ तास एकदम बिझी जाणार.  तुझे प्राणी प्रेम जगजाहीर आहे. अत्यंत आनंदी  "बाबा" हे तुझे वडील नसून उत्तम मित्र आहेत.  आईनेही उत्तम प्रकारे तुला अभ्यासात मदत केली आहे.
तू बोलायला लागल्या नंतर पहिल्यांदा  "गंपती काका " अशी  मला हाक मारल्या पासून आज पर्यंतचा आनंददायी प्रवास डोळ्या समोरुन तरळून गेला. 
अतिशय उत्तम यश मिळवून तू क्वालिफाय झाल्या बद्दल आमच्या कडून मनःपूर्वक शुभेच्छा !
तुझ्या पुढील यशस्वी वाटचालीसाठी आमच्या शुभेच्छा तुझ्या बरोबर आहेतच .
विनायक आणि कल्याणी मामी
विनायक जोशी (vp)
7 January 2017
electronchikatha.blogspot.com