चैतन्यमुर्ती उमेश चौधरी

// श्री स्वामी समर्थ //

       *चैतन्यमुर्ती*
    *उमेश चौधरी*
     सुरज सुपर शाॕपी

*विनायक जोशी (vP)*
📱9423005702

हिंगण्यातील गल्ली नंबर ३ मध्ये नित्यानंद हाॕलच्या बरोबर समोर *सुरज सुपर शाॕपी* हे साधे , सुटसुटीत , सुंदर असे चौधरी बंधूंचे किराणा मालाचे दूकान आहे . या दुकानातील कमालीचे शांत , मितभाषी , आनंदी , कष्टाळू ,नेमस्त , नम्र , व्यवहारी, अशा अनेक गुणांनी संपन्न असलेले सदगृहस्थ म्हणजे *उमेश चौधरी*

स्वतःचे दुकान चालू करायच्या आधीपासून आम्ही त्याला ओळखतो . इतक्या वर्षात त्याच्या मुळ आनंदी स्वभावात आणि विनम्रपणात काडीचाही बदल झालेला नाही .

देवपूजेसाठी लागणाऱ्या वेगवेगळ्या रंगाची आणि जिवंतपणाचा स्पर्श लाभलेली अशा फुलांपासून ते गोड सफरचंदां पर्यंत किंवा देशी केळ्यां पर्यंत अथवा लोकवन सोना पासून ते बासमती तुकडा , कोलम वगैरे असंख्य गोष्टी आटोपशीर जागेत आणि दर्शनी भागात सहजपणे उपलब्ध आहेत असे दुकान म्हणजे उमेश यांचे सुरज शाॕपी.

रात्री जेवण झाल्यावर आम्ही दोघेही सहस्रपावली साठी बाहेर पडतो . त्या वेळी कोणत्याही प्रकारचा कंटाळा न करता आपले कर्तव्यकर्म करत असलेल्या आनंदी उमेशचे दर्शन झाले तर आपणही असेच उत्साहाने न कंटाळता काम करायला पाहिजे ही प्रेरणा मिळते....

*विनायक जोशी (vP)*
📱9423005702
मंगलधाम , लेन नं ४ , हिंगणेखुर्द , पुणे ५१
*electronchikatha.blogspot.com*