// श्री स्वामी समर्थ //
*आभाळमाया*
*सरस्वती दातार*
*विनायक जोशी (vp)*
💬9423005702
📱9834660237
सुप्रसिद्ध संगीतकार अशोक पत्की यांचा कार्यक्रम आणि देवकी पंडीत यांचा जबरदस्त आवाज. झी टीव्ही वरती गाजलेल्या अनेक मालिकांची शीर्षक गीते सादर होत होती. याच कार्यक्रमात
*जडतो तो जीव*
*लागते ती आस*
*बुडतो तो सूर्य*
*उरे तो आभास*
हे आभाळमायाचे शीर्षक ऐकून कमालीच्या प्रेमळ अशा व्यक्तीची हूरहूर लावणारी आठवण जागृत झाली .
सहवासाने वृध्दिंगत होते ते प्रेम .
फक्त दर्शन झाले तरी आनंद होतो ते प्रेम. काहिही न बोलता सर्व काही समजते ते म्हणजे प्रेम .चैतन्याचा साक्षात्कार होतो ते प्रेम.
मोठ्ठा चष्मा घालणारी , हातात नावापुरती जपमाळ धरणारी ,जेवणाच्या मध्ये मिरचीचा खरडा खाणारी ,कायम कामात असणारी , प्रत्येक वेळेला पगार किती ते विचारणारी आणि चांगला आहे हे कळल्यावर कमालीची आनंदी होणारी,असंख्य मऊ सुरकुत्या हातावर असलेली,एकही शब्द न बोलता सर्व गोष्टी समजून घेणारी , पुण्यातील लक्ष्मी रोड वरील कुंटे चौकातील दातार वाड्यात माहेर असलेली , लोकमान्य टिळकांना जवळून पाहिलेली , १९०३ मध्ये जन्माला आलेल्या आणि आभाळमाये सारखे प्रेम करणाऱ्या *सरस्वती गणेश जोशी* नावाच्या एका अत्यंत प्रेमळ स्त्री वरती माझे प्रचंड प्रेम होते कारण ती माझी *आज्जी* होती.
*विनायक जोशी (vp)*
💬9423005702
📱9834660237
मंगलधाम , हिंगणेखुर्द ,
पुणे ५१
*electronchikatha.blogspot.com*
कोणत्याही टिप्पण्‍या नाहीत:
टिप्पणी पोस्ट करा