// श्री स्वामी समर्थ //
जागतिक फार्मासिस्ट दिन ....२५ सप्टेंबर २०१९
*बाबा*
*श्री. प्रभाकर जगन्नाथ फाटक*
M/S PHATAK MEDICALS
Kurundwad
विनायक जोशी (vp)
💬9423005702
📱9834660237
कोल्हापूर जिल्ह्यातील शिरोळ तालुक्यात असलेले आणि कृष्णा व पंचगंगेच्या संगमामुळे पावन झालेले गाव म्हणजे *कुरुंदवाड*
या गावात दर्ग्या मध्ये शिवजयंतीला शिवचरित्रा वरती किर्तन ठेवणारा किंवा पेशंटला औषधे वेळेवर उपलब्ध व्हावीत म्हणून नदीच्या पुरातून पोहून पलीकडे जाणारा असा एक धैर्यवान माणूस रहात होता.या अत्यंत दिलदार माणसाचा पंचक्रोशी मध्ये *राजा फाटक* म्हणून दबदबा होता.
या राजा फाटकांचा मोठा मुलगा म्हणजे *प्रभाकर फाटक*.
१९४८ च्या जळीतात सर्वस्व गमावल्या नंतर हताश किंवा निराश न होता फिनीक्स पक्ष्याप्रमाणे त्यांनी अविरत आणि कल्पक कष्टाने व्यवसायाची वृध्दी केली.
गेली पन्नास वर्षे सकाळच्या वेळी एक किलोमीटर अंतरावर असलेल्या नृसिंहवाडीच्या नदीत पोहणे आणि त्यानंतर दत्त महाराजांना मनोभावे नमस्कार करुन दुकाने उघडणे हा त्यांचा नित्यक्रम आहे.
या सकाळच्या कार्यक्रमात शरद उपाध्यें पासून आमिरखान पर्यंत असंख्य लोकांशी त्यांची मुलाखत झाली आहे.
कायम सकारात्मक विचार करण्याची त्यांची विलक्षण हातोटी आहे. ट्रॕव्हल कंपनीच्या बसमधून चारधाम यात्रा असो किंवा नेपाळ अथवा वैष्णोदेवी वगैरे प्रवास कोणत्याही प्रकारची कुरकुर न करता *एकदम बेस्ट* असे म्हणत त्यांनी पार पाडला आहे.
लहान दोन भाऊ आणि चार बहिणींना कायम मोठ्या भावाला साजेसा आधार दिला आहे.
अतिशय समाधानी आणि हुशार अशा सौ.प्रतिभा फाटक या सहचारिणी मुळे कोणत्याही प्रकारचा गाजावाजा न करता अनेक अवघड संकल्प सिध्दीस नेलेले आहेत . आज सहस्त्रचंद्र दर्शन सहजपणे बघितलेल्या आणि त्र्याऐंशीव्या वर्षात पदार्पण करण्यासाठी हा मनाने तरुण असलेला कर्मयोगी आनंदाने तयार आहे.
देश विदेशात सुध्दा असंख्य लोकांशी जनसंपर्क असलेला , नातवंडात रमणारा , आजही दिवसातले किमान नऊ तास काम करणारा किंवा कोल्हापूर जिल्ह्यातील सर्वात ज्येष्ठ फार्मासीस्ट अशी ख्याती असलेला, स्वतः विषयी फारच कमी बोलणाऱ्या या कर्मयोग्याला जागतिक फार्मासिस्ट दिनाच्या मनःपूर्वक शुभेच्छा !!!
( २००५ आणि २०१९ साली आलेल्या महापूराला त्यांनी अत्यंत संयमाने आणि धीराने तोंड दिले आहे )
१८ जानेवारी २०२० या दिवशी त्यांच्या शेजारी बसून पुनर्वाचन केले अत्यंत आनंदाने
*विनायक जोशी (vp )*
💬9423005702
📱9834660237
१२५७ ,
मंगलधाम , बी ३ , हिंगणेखुर्द ,लेन नं ४, पुणे ५१
*electronchikatha.blogspot.com*
कोणत्याही टिप्पण्‍या नाहीत:
टिप्पणी पोस्ट करा