// श्री स्वामी समर्थ //
*श्रावण*
5/8/2020
*प्रिय*,
मी ब्राॕडकास्ट लिस्टच्या माध्यमातून पाठविलेले मजकूर कमालीच्या सहनशीलतेने आणि संयम ठेवून वाचतात त्या सर्वांसाठी "प्रिय" हा शब्द राखीव ठेवला आहे ....
श्रावणात येणारा छान पाऊस सध्या सर्वत्र पडत आहे . या चैतन्य पूर्ण ऋतूत आपणही छान काहीतरी करावे असा प्रयत्न मी सध्या करत आहे.......
आपल्या शास्रानुसार विधिलिखित किंवा डेस्टीनी आपण बदलू शकत नाही कारण ती पूर्व नियोजित आहे. परंतु या निमित्ताने आपल्या दैनंदिन सहवासात येणारा प्रत्येक जीव किंवा आपल्या बाबतीत घडणाऱ्या सर्व गोष्टी उत्साहवर्धक , अविस्मरणीय कशा होतील हे पाहणे आपल्या हातात आहे आणि या वास्तवाची मला अगदी तरुण असतानाच माहिती झाली होती ...
१९६३ ते १९८४ या काळातील समृध्द असे बालपण , तरुणपण आणि १९८४ ते २०२० अशी ३६ वर्षे आपल्याला अत्यंत आवडणारे काम मी कमालीच्या आनंदाने आणि कोणत्याही प्रकारची तडजोड न करता केले आहे ...
माझा स्वभाव कमालीचा पाॕझिटीव्ह किंवा आशादायी असा आहे परंतु उद्या या गोष्टी बद्दल मला फारसे ज्ञान नाही . त्यामुळेच आजच्या गोष्टीला आजच छान , उत्तम अशी दाद मनमोकळेपणाने द्यायची मला सवय लागली आहे ....
सोशल मिडिया वरती परफाॕर्म करावे किंवा रेंगाळत बसावे असे मला कधीही वाटत नाही किंवा वाटले नाही . माझा मूळ स्वभाव हा माणसांच्यात रमणारा आहे परंतु मला शांततेशी गप्पा मारायला कमालीच्या आवडतात . त्यामुळे गेल्या ४ महिन्यात जास्तीत जास्त वेळ घरात राहून सुध्दा एक क्षणही कंटाळवाणा गेला नाही .......
आनंदयात्री
*विनायक जोशी (vP)*
💬9423005702
📱9834660237
१२५७ , मंगलधाम , बी ३ , विठ्ठलवाडी , हिंगणेखुर्द , पुणे ५१
*electronchikatha.blogspot.com.*
कोणत्याही टिप्पण्‍या नाहीत:
टिप्पणी पोस्ट करा